Servìtziu Linguìsticu pro su Sardu Comunu de Carbònia

Carbònia Anderas de s’Architetura Moderna - CIAM

Sa Citade de Carbònia dd’ant fabbricada in sa metade de su de XX sèculos pro èssere sa prus faina manna de su regìmene fascista acumprida in su territòriu istatale, naschet cummente centru industriale, residentziale e amministrativu de sa miniera de Serbariu, su prus de importu centru de produtzione de carbone in itàlia. Sa fàbbrica de Carbònia at cumintzadu in su mese de làmpadas de su 1937 e at acabbadu in su mese de idas de su 1938. 

A primìtziu is domos de su populadu fiant assentadas cunforma a s’òrdine geràrchicu de sa miniera e de su fascismu: su centru cun is domos de is dirigentes, e pagu prus atesu is palatzinas de is impiegados, intamas is domigheddas de is operajos fiant collocadas in s’oru mannu de sa citade. Pro is operajos bagadios s’aiat fabbricadu 10 albergos operajos.

Carbònia Landscape Machine - màchina de su paesàgiu - est resurtadu su progetu chi at bintu su Prèmiu de su Paesàggiu de su Consìgiu de Europa 2011: unu modellu possìbbile e dèghidu de recupèru de su paesàgiu urbanu.

Custa visita dd'at aparitzada dae su Sportellu Linguìsticu pro su sardu de su Comunu de Carbònia, chi at oberadu a intro de su progetu omònimu finantziadu dae sa Regione Autònoma de Sardigna cunforma a sa lege 482/99 e a sa Lege Regionale 22/2018.