Audio tour Suus camins de Sent-Esprit

Durada : 2h
Tèxtes e lectura preu : Miquèu Baris
Credit fotografic : Miquèu Baris e Andrèu Lajeus.
Colleccion de cartas postaus ancianas deu Lionel Andia.Los dessenhs que son deu Gerard Benquet, de Sent-Martin-de-Senhans.
Un partenariat : IEO, IEO 40, Camille Jautrou (Servici civic IEO - FFCU).

Visita possibla en francés e en occitan (gascon).

Endé nos har saber çò que pensatz de la visita,empleatz lo nòste questionari de satisfaccion.

Itinerari : a partir de la plaça de la Republica, a l'intereseccion de l’arrua Ulissi Darrac e deu baloard d’Alsaça-Lorena, l’emplaçament de la vielha fabrica d’Izarra, l’arrua de l’Esteir, l’arrua Denis Etcheverry, l’arrua deu Molin, l’arrua deu Convent, lo passadeir Senta-Catarina, l’arrua Senta-Catarina e las maisons a empreis, l’arrua de la Cavòta, l’alea Marcel Suarez, los banhs rituaus israelites, l’arrua deu Fòrt e lo « Ralh Baionés », la plaçòta Justin Bordaa, la collegiau Sent-Esprit, l’arrua Hugues e l’aubèrga Senta-Cluca, l’arrua deus Graulhats, l’ostalaria « L’Ostau », lo Cai de Lesseps, la Ciutadela, l’arrua e la sala Senta-Ursula, la Gara deu Mijorn,  la Sinagòga (#25), lo segrat israelite, la parròpia de Sent-Estiène-d’Arriba-Labord, e la còsta deu Molin, de l’anciana aubèrga Desboc.

Mèfi : que'vs conselham de tornar préner la veitura a partir deu punt 25 endé acabar la visita.

Aquesta visita de Baiona que's pòt completar dab la visitas deus grans Òmis e de las granas Hemnas de Baiona e deu Petit Baiona (las visitas que son tanben disponiblas en francés.)

-------------------------------------------------------------------

Qu’atz aquí un tresau libròt qui’vs va perméter de’vs passejar dens lo barri de Sent-Esprit, qui hè partida de Baiona sonque desempuish lo 1èr de junh de 1857.

Lo landés qui soi qu’es halabard de’vs har descobrir lo passat d’aqueth tròç de tèrra landesa, que n’an malurosament perdut la memòria en a penas cent cinquanta ans. Un tròç de tèrra qui vedó a passar tant e tant de romius de Sentiagues a l’Edat Mejana, e que tornan començar d’arcuélher uei dens la vielha collegiau. Un tròç de tèrra gascona qui servi d’asili aus judius portugués caçats de la peninsula iberica per l’Inquisicion, qui trobèn aqui ua lenga romana aisida de compréner, d’apréner, e de har soa…

E podossitz la tornar apréner, vos tanben, aquera lenga, tà gostar tot lo shuc deus noms d’arruas… e de las istòrias sabrosas qui s’i condavan d’auts còps, sus la plaça, los jorns de marcat, com dens los estanquets… o a la glèisa cara au curat landés deu lòc, lo famós Monsénher Gassiat !

Bona passejada.

(C) IEO - Tots drets reservats / Tous droits réservés