Museo Дом-музей І з'езда РСДРП

Паважаныя наведвальнікі!
Вы знаходзіцеся каля Дома-музея I з'езда Расійскай сацыял-дэмакратычнай рабочай партыі, які быў адкрыты ў 1923 годзе і з'яўляецца адным з найстарэйшых у Рэспубліцы Беларусь. Яго гісторыя цесна звязана з палітычнай гісторыяй краіны, якая ў перыяд падзей, што тут адбываліся называлася Расійскай імперыяй.
Гэтаму Дому прысвячалі свае вершы беларускія паэты Петрусь Броўка, Мікола Аўрамчык, Эдзі Агняцвет, туркменскі паэт Рухі Аліеў, балгарскі паэт Найдзен Вылчаў і іншыя.
У наш час у музеі размешчаны асноўная экспазіцыя і выставачная зала.
Экспазіцыя складаецца з 3-х тэм. "Губернскі Мінск у канцы ХІХ - пачатку ХХ стагоддзяў" знаёміць з горадам таго часу, з укладам жыцця яго гараджан. "I з'езд РСДРП". Матэрыялы гэтай тэмы распавядаюць пра падзею сусветнага значэння, якая адбылася ў гэтым доме ў 1898 годзе. Тут таксама закранаюцца і пытанні жандарскага вышуку. Заключная тэма: "Гісторыя Дома-музея I з'езда РСДРП".
Выставачная зала выкарыстоўваецца для правядзення разнастайных праектаў: выстаў, творчых вечароў, прэзентацый. Музей адкрыты для ўсебаковага і плённага супрацоўніцтва з любой аўдыторыяй наведвальнікаў.