Tour audio Toshkent botanika bog‘ida Rossiya Uzoq Sharqining dendroflorasi

Botanika bog‘ining “Uzoq Sharq” deb nomlanuvchi qismi 1953-yil kuzida tashkil etilgan. U Tinch okeaniga quyiluvchi daryo havzalari hududlari, Kuril orollari, Saxalin oroli va boshqalarni o‘z ichiga olgan Rossiyaning sharqiy qismi dendroflorasini taqdim etadi. Uzoq Sharqning iqlimi, hududining kattaligi tufayli, turli xil: shimoldagi arktika iqlimidan janubdagi mussonli iqlimgacha. May oyining oxirida Uzoq Sharqda sovuq va uzoq davom etgan bahor keskin ravishda yozga yo‘l beradi hamda dengiz bo‘yi o‘simliklari tezda barglarga burkanadi va gullaydi. Bizdagi aldamchi fevral iliqligini o‘simliklar yozdek qabul qilishadi. Bizning iqlimimizda juda tez-tez uchraydigan kech bahor ayozlari paytida ular barglarini yo‘qotadi, ba’zilari esa gullarini ham.

Botanika bog‘ining ushbu qismidagi barcha o‘simliklar tabiatda to‘plangan urug‘lardan o‘stirilgan yoki qalamcha va tirik o‘simliklar ko‘rinishida keltirilgan.