Tour audio Гарадскі грамадскі банк

Полацкі гарадскі грамадскі банк быў адкрыты ў 1874 годзе. Гэта фінансавая ўстанова праводзіла выдачу крэдытаў і пазык, прыняцце ўкладаў, выплату жалавання і іншыя банкаўскія аперацыі. У адным будынку з банкам знаходзілася ашчадная каса, а ў скляпеннях у металічных сейфах захоўваліся грошы і цэнныя паперы. Штат служачых банка быў даволі малаколькасным. Яго складалі дырэктар і два яго таварышы. Двухпавярховы мураваны будынак, пабудаваны ў канцы ХIХ стагоддзя, захаваўся да нашых дзён.