Введение Құлпытастар

Құлпытастар әсіресе Батыс Қазақстанда кең тараған. Көркем құлпытастардың бір ерекшелігі - батыс қырларында таңба, басқа қырлары жазық бедерлі және кесек бедерлі өсімдік тектес ою-өрнектермен безендірілген.Эпиграфиясы құлпытасты безендіре түседі, жазулар алыстан қарағанда әдемі көрінеді.Құлпытастар – тігінен тұрғызылған тас бағана іспетті нысандар – сәндік-бейнелеу композициясының байлығы жағынан да, сәулеттік тұрпатының әр алуан жасалымымен, бітімімен де, әр түрлігімен де ерекшеленетін қазақтардың жерлеу ескерткіштерінің көрнекі түрі. Оларды жасаудағы негізгі шикізат – түр-түсі әр алуан ұлутастар мен құмтастар.