Museum Музейны пакой «Шчучынскія рамёствы»

Музейны пакой «Шчучынскія рамёствы» адкрыўся 30 верасня 2017 года ў будынку ДУК “Шчучынскі раённы  цэнтр культуры і народнай творчасці”. Раней, з 1998 года тут дзейнічаў выставачны зал. Асноўныя напрамкі музейнага пакоя: захаванне  рамёстваў і промыслаў якія знаходзяцца на мяжы знікнення ,спрыяць іх развіццю і адраджэнню, росту цікавасці да культуры і народнай творчасці, арганізацыі турызму. Народная культура грунтуецца на глыбокіх традыцыях, якія адлюстроўваюць асаблівасці творчай дзейнасці, духоўны патанцыял народа. Кожны народ мае ўласную гісторыю і культурную спадчыну. Асаблівым гонарам музейнага пакоя з'яўляецца унікальная калекцыя сапраўдных прадметаў ўжытку нашых продкаў, якая беражліва і з любоўю збіралася на працягу многіх гадоў.  У музейным пакоі аддзела рамеснай дзейнасці і народнага мастацтва цэнтра культуры выстаўлены экспанаты, якія адлюстроўваюць побыт, працу, традыцыі сялян і гараджан Шчучынскага раёна. Тут сабрана адна з лепшых этнаграфічных калекцый у рэгіёне і створаны выдатныя экспазіцыі: «Сялянскі быт», «Ткацтва», «Сучаснае дэкаратыўна-прыкладное мастацтва".Экспазіцыя музейнага пакоя пастаянна папаўняецца новымі экспанатамі. Колькасць экспанатаў складае 104 адзінкі.