Audio tour Las bèstias dins Colonha

Aquesta visita foguèt creada dins l'encastre dels Escambis Occitans de la Davalada que se debanèron del 2 al 4 de novembre a la Maison Familiala Rurala de Colonha : un encontre immersiu per prene le temps d'escambiar en occitan.

QUAND ENSENHAMENT E CULTURA PRENGUEN LE TEMPS DE PARTATJAR...

Al programa, una jornada dedicada als jòcs, co-animada per Marion dels Talhièrs de l'Energia e del Temps e Maud d'Ox'Ivent : cossí fargar de jòcs per ajudar als aprentissatges ?

Per nos entrainar, e coma supòrt per escambiar, avèm fargat amassa aquesta visita. L'idèa : prepausar una visita ludica de Colonha pels dròlles que permèt de descobrir las bèstias mitologicas e çò qu'es una bastida.

Aquesta visita es la resulta d'una aprèp-miègjorn de creacion collectiva que foguèt ensajada lendeman pels dròlles presents e completada per els.

Pendent la visita, a cada còp qu'ausiretz las campanetas, vos caldrà far una pausa dins vòstra escota per respondre al quiz o gaitar un imatge abans d'escotar la seguida.

Bona visita !