Audio tour Старыя Васілішкі - вёска, дзе існуюць цуды

Вёска Старыя Васілішкі вядома з XV ст. Згодна з паданнем, князь Васіль, які адным з першых прыняў хрысціянства на гэтых землях, заснаваў паселішча на месцы драўлянай крэпасці. Таму і назву мястэчка мела – Васілішкі. Кіравалі гэтымі землямі прадстаўнікі шляхетскіх родаў Вялікага княства Літоўскага і Рэчы Паспалітай – Радзівілы, Кунцэвічы, Агінскія.

Вёска Старыя Васілішкі была ў складзе Вялікага княства Літоўскага, у Рэчы Паспалітай, у Расійскай імперыі, у Польшчы, у СССР, зараз у незалежнай Беларусі.

Чэслаў Немэн аб вёсцы Старыя Васілішкі: «А як раней спявалі ў Старых Васілішках! Спявалі ўсе - і ў касцёле, і ў полі. Заўсёды. Калі пачыналі спяваць, песня лунала, хоць спявалі там простыя жанчыны ў хустках. Там усе былі самародкі. Ніхто не вывучаў тэхніку спеваў, але спявалі ў кожнай жыццёвай сітуацыі».