Audio tour Асноўная экспазіцыя Дома-музея РСДРП

Паважаныя наведвальнікі!

Вы знаходзіцеся каля Дома-музея I з'езда Расійскай сацыял-дэмакратычнай рабочай партыі філіяла Нацыянальнага гістарычнага музея Рэспублікі Беларусь. Музей адкрыты ў 1923 годзе і з'яўляецца адным з старэйшых у Рэспубліцы Беларусь. Яго гісторыя цесна звязана з палітычнай гісторыяй краіны, якая ў перыяд падзей, што тут адбываліся называлася Расійскай імперыяй.

Гэтаму дому прысвячалі свае вершы беларускія паэты Пятрусь Броўка, Мікола Аўрамчык, Эдзі Агняцвет, туркменскі паэт Рухі Аліеў, балгарскі Найдзен Вылчаў і іншыя.

У наш час у музеі размешчаны асноўная экспазіцыя і выставачная зала.

Экспазіцыя складаецца з 3-х тэм. Першая з іх - "Губернскі Мінск у канцы ХІХ - пачатку ХХ стагоддзя" знаёміць з горадам таго часу, з ладам жыцця яго гараджан. Наступная - "I з'езд РСДРП": матэрыялы гэтай тэмы распавядаюць пра падзею сусветнага значэння, якая адбылася ў гэтым доме ў 1898 годзе. Тут таксама закранаюцца і пытанні жандарскага вышуку. Заключная тэма: "Гісторыя Дома-музея I з'езда РСДРП".

Выставачная зала выкарыстоўваецца для правядзення разнастайных праектаў: выстаў, творчых вечарын, прэзентацый. Музей адкрыты для ўсебаковага і плённага супрацоўніцтва з любой аўдыторыяй наведвальнікаў.