Audio tour Истражи го Мариово

Добредојдовте на еднодневната тура „Истражи го Мариово“. Областа Мариово, административно припаѓа на општините Новаци, Прилеп и Кавадарци. На нашето денешно патување, ќе посетиме неколку локации во делот под Општина Новаци.
Мариово е рурална област, која привлекува со својата мистичност, историја, традиција, богато културно и природно наследство.
Патувањето е препорачано да се реализира со лесно возило, моторцикл, комбе или мини-бус. Трасата води по асфалтиран пат со вкупна должина од 98 км. Патот на одредени места е тесен, необележан и со остри кривини, па затоа се препорачува особена внимателност при возењето. До одредени локации кои се дел од оваа тура, се стигнува единствено пеш, па затоа се препорачува носење на соодветна облека и обувки за движење во природа.
Важно: Мариово е рурална област во која покрај неколку помали продавници и етно куќи, не постојат други комерцијални капацитети како аптеки, бензински станици, супермаркети и сл. На одредени локации нема телефонски сигнал.
За крај Ви посакуваме убав и исполнет ден и се надеваме дека барем малку ќе го разубавиме Вашето патување.

Поважни телефонски броеви:
- ПОЛИЦИЈА 192
- ПОЖАРНИКАРСКА СЛУЖБА 193
- БРЗА ПОМОШ 194
- ПОМОШ НА ПАТ 196
- ИНФОРМАЦИИ 188

- Општина Новаци +389 47 203 060
- Полициска станица Новаци +389 47 282 122