Audio tour 11 "Динозаврлар вакыты" залы

Динозаврлар, латинчадан куркыныч ящерлар - вертикаль аякларында йөрергә өйрәнгән беренче дүрт аяклылар. Алар Триас чорының уртасында барлыкка килеп Мел чорының азагында үлеп беткәннәр.
Алар зурлыклары һәм формалары буенча бик күп төрле булганнар. Мәче кебек кечкенәләре дә һәм озынлыклары утыз кырык метрга җиткән, авырлыклары утыз тоннадан арткан бик зурлары да булган. Алар арасында бик хәрәкәтчәннәр дә һәм акрын кыймылдаучаннар да, ерткычлар да һәм үсемлек белән тукланучылар да, тәңкәлеләр дә һәм кабырчыксызлар да билгеле. Кайберләре озынлык буенча утыз метрдан алып кырык метрга кадәр җиткәннәр, авырлык буенча утыз тоннадан артканнар.
Динозаврлар беренче булып һава мохитен үзләштергәннәр. Оча торган ящерларның – птерозаврларның ярканатныкы кебек очлы һәм озын элпә канаты булган.
Үткен тешле, койрыклы, тар канатлы рамфоринхлар һәм тешсез, киң канатлы, канат җәелеше сигез метрга кадәр җиткән птеродактильләр птерозаврлар арасында аерылып торганар. Очучы ящерлар Юра һәм Мел чорларында яшәгәннәр. Аларның юкка чыгулары, һава киңлегенә күбрәк ярашкан, кошларның барлыкка килүләре белән бәйле.